आशा गौरव पुरस्कार २०२६

आशा स्वयंसिद्धा २०२६
कु. दिपाली शिवाजी घोलप

काहींचा संघर्ष हा जन्माच्या आधीपासूनच सुरू होतो. कु. दिपाली शिवाजी घोलप हिचा संघर्ष काहीसा असाच आहे. मुलगी नको म्हणून लहानपणीच वडिलांच्या त्रासाला सामोरे जावे लागले त्यामुळे आई घरातून बाहेर पडली आणि तिथून सुरू झाला दीपालीचा खरा संघर्ष! समाजातील कोणत्याही व्यक्तीच्या मदतीशिवाय दीपाली, तिची आई व तिची आजी या तिघींनी स्वतःचे एक जग उभे केले आणि अत्यंत हलाखीच्या परिस्थितीतून, संघर्षातून, जिद्द व चिकाटीने स्वतःचे शिक्षण पूर्ण करून अत्यंत चांगली नोकरी मिळवली. दिपाली ही आज सरकारी नोकरीसाठी प्रयत्न करत आहे. तिची ही जिद्द, चिकाटी व तिचा हा संघर्ष अनेकांना प्रेरणा देणार आहे. आशा फाउंडेशन दिपाली हिला 'आशा स्वयंसिद्धा पुरस्कार 2026' देऊन तिच्या संघर्षाचा, जिद्दीचा, चिकाटीचा गौरव करत आहे.