आमच्याबद्दल

श्री. दत्तात्रय जगताप यांचा जन्म सातारा जिल्ह्यातील 'लोणंद' येथे झाला. लहानपणापासून शिक्षणाला प्राधान्य देऊन शालेय शिक्षण गावामध्ये पूर्ण करून उच्च शिक्षण पुण्यामध्ये केले. लहानपणीच आई व वडिलांचे छत्र हरवल्यामुळे त्यांचा सांभाळ आजी व मावशी नी केला. अनेक वेदना, हालअपेष्टा सहन करून आलेल्या संकटावर 'स्वार' होऊन जिद्द, चिकाटी व कष्टाच्या बळावर सचोटी व नीतीने व्यवसाय करत समाजासाठी उत्तम कार्य करायचे हेच ध्येय उराशी बाळगले. या कठीण परिस्थितीतूनच त्यांनी आयुष्याची खरी जाणीव घेतली. “आधार नसलेल्या मुलांचे आयुष्य किती कठीण असते.”

शिक्षणाला सर्वोच्च प्राधान्य देत त्यांनी स्वतःचे उच्च शिक्षण पूर्ण केले आणि नंतर उद्योगविश्वात स्वतःचे स्थान निर्माण केले. व्यवसायात उत्तम यश मिळवले, पण त्यांच्या मनात नेहमीच एक प्रश्न होता. “आपण समाजासाठी काय करतो आहोत?”

याच विचारातून “आशा फाउंडेशन, नवी मुंबई” ची स्थापना झाली. त्यांचा उद्देश फक्त मदत देणे नव्हता, तर अशा मुलींना सक्षम बनवणे होता ज्या लहान वयातच पालकांच्या आधारापासून दूर राहिल्या आहेत. आज ते हजारो मुलींसाठी केवळ संस्थापक नाहीत, तर एक मार्गदर्शक, प्रेरणास्थान आणि पाठीशी उभा असलेला आधार आहेत.

त्यांचा ठाम विश्वास आहे. “एक मुलगी सक्षम झाली, की ती संपूर्ण कुटुंब आणि समाज बदलू शकते.” हीच विचारधारा आशा फाउंडेशन, नवी मुंबईच्या प्रत्येक उपक्रमामध्ये दिसून येते.